შიზოფრენია

დეკ

1

2017

გამარჯობათ მაინტერესებს ქალს რომელსაც დადგენილი აქვს შიზოფრენია და გადის სახლში მკურნალობას,როგორც თვითონ ამბობს აქვს შიშები და გარეთ მარტო ვერ გადის ასევე ესმოდა ხმები და შეიძლება რო სასამართლო მიანიჭოს ასეთს მცირეწოვანი ბავშვი აღსაძრდელად?

avatar
პასუხი #1

გაგიმარჯოთ.

როგორც მოგეხსენებათ, სასამართლო ამ გადაწყვეტილების მისაღებად ეყრდნობა იმ ექსპერტთა დასკვნას, რომლებიც, ჩემგან განსხვავებით, ფლობენ პაციენტის შესახებ ამომწურავ ინფორმაციას.
1 “დადგენილი აქვს შიზოფრენია” _ იმის მიხედვით, რამდენად მართვადი და სტაბილურია მდგომარეობა, შესაძლოა ადამიანი იყოს პრაქტიკულად ჯანმრთელი და სრულად შეძლოს დედისთვის დაკისრებული მოვალეობის შესრულება.
2 “აქვს შიშები და გარეთ მარტო ვერ გადის” _ ალბათ დამეთანხმებით, რომ ეს არ არის დედობის შეზღუდვის საფუძველი.
3 “ესმოდა ხმები” _ ანუ ამჟამად სმენითი ჰალუცინაციები აღარ აქვს.

თუ რამე არასწორად გავიგე ან კარგად ვერ გადმოგეცით, შეგიძლიათ დამატებით მომწეროთ.

Answers უპასუხა: ფსიქოთერაპევტი ექიმი დავით ანდღულაძე ტელ.: 593127144
avatar
პასუხი #2

მოგესლამებით. ჩემს ძმას მდუნედ მიმავალი შიზოფრენიის დიაგნოზი აქვს.ეს დიაგნოზი ფსიქიატრიულ კლინიკაში დაუსვევს. იძულებული გავხდი მომეწერა თქვენთვის, რადგანაც საქმე ისევ რთულად არის. როდესაც წამოვიყვანეთ ჩემი ძმა, უკვე გზაში უწევდა წამლების დალევა და ძლივს დავალევიე. ჩვენ ზესტაფონში ვცხოვრობთ და სანამ კლინიკაში გადავიყვანდეთ, ყოველ ღამე დადიოდა ქუთაისში და დაეხეტებოდა იქ. ჩამოყვანის შემდეგ ისევ აიკვიატა ქუთაისში უნდა წავიდეო. როდესაც სახლს მიუახლოვდით მანქანიდან ჩამოვიდა და ფეხით წამოსვლა მოინდომა. შემდეგ ისევ ჩაჯდა. სახლში მისვლისას ისევ იგივე რიტუალების ჩატარება დაიწყო. ანუ დაიწყო ისევ ოთახებში სიარული უაზროთ. შემდეგ, როდესაც ტანსაცმელის გამოცვლა დაიწყო ყველა სართო ოთახიდან გაუშვა სხვა ოთახში. იმ ოთახში იდგა რამოდენიმე საათი და არავინ არ იცის რას აკეთებდა, სხვას რომ არ დაენახა, ფანჯარაზე ტილო ჩამოკიდა. ჩვენ საკუთარი სახლი გვაქვს და გარეთ ახალი კიბე გავაკეთეთ რამოდენიმე თვის წინ.ძველი კიბე ნახევრად დავშალეთ და მან მთლიანად დაშლის ნებართვა არ მოგვცა. ანუ ნახევარი დარჩა და ნახევარზე ჩვეულებრივი კიბე მიადგა და ისე ადიოდა. გვეგონა რომ ამ ჩვევას მაინც მოიშლიდა. მაინც ისევ ისე ავიდა და გვითხრა ძველი კიბე არ მოშალოთო. ისევ წავიდა ქუთაისში, ვთხოვე იქნებ გვიან ღამე მაინც მოხვიდე მეთქი და წამალიც დაუდევით მაგიდაზე. სანამ წასვლას დააპირებდა ძველი ფეხსაცმელი და ქურთუკი უნდა ჩაეცვა და ევლო იმით რამოდენიმე წუთი სახლში. მერე გაიხდიდა და ახალს ჩაიცვამდა. შემდეგ რამოდენიმე წუთიანი ოთახებში ხეტიალის შემდეგ მიდიოდა.
ისევ ისე მოიქცა. რომ ვკითხეთ რატომ აკეთებ ამას, ასე მინდაო. შეგვპირდა ღამით მოვალო, მაგრამ არ მოსულა. მოდის დილის 11 საათზე. თავის რიტუალებს რომ ჩაატარებს ასე დღის 3-4 საათზე იძინებს. ერთადერთი რაც არ შეგვიმჩნევია არის ის , რომ თავისთვის არ ლაპარაკობს. დედაჩემს ვთხოვე რომ დაალევიოს დილის წამლები და იქნებ მთელი საღამო და ღამე იძინოს. როგორ მოვიქცეთ გვირჩიეთ. წამლების დალევის რეჟიმიც ერღვევა. მარტო რომ იქნება ეჭვი მეპარება დალიოს ყველა წამალი. სახლში ვერავაინ გააჩერებს. კლოპიქსოლ, ცოკლოდონი ქონდა გამოწერილი და კლოპიქსოლის უკუ ჩვენებამ იმოქმედა. ანუ ძალიან მოადუნა, მარჯვენა ყბას ვეღარ იმორჩილბს და მოჭარბებული ნერწყვი მოსდის. მივედი ადგილობრივ ფსიქიატრთან და მან კლოპიქსოლი ზეპიდ-2 -ით შეუცვალა, ციკლოდონი დაუტოვა და დეაზეპამი დაუნიშნა. თქვენი რჩევა მინდა როგორ გავაგრძელოთ წამლების მიღება და საერთო როგორ მოვიქცეთ.

Answers უპასუხა: anton
avatar
პასუხი #3

მეც მოგესალმებით, anton

ძალიან მინდა რამით დაგეხმაროთ, მაგრამ ასე ვერაფერს გირჩევთ. უშუალოდ როცა ნახულობს ექიმი პაციენტს, გაცილებით მეტი ინფორმაციის მიღება შეუძლია და ვითარებასაც უკეთ აღიქვამს. ასე უკვე უნახავს ექიმებს თქვენი ძმა და დანიშნულებაც შეურჩევია. გვერდითი მოვლენების გამო ერთი პრეპარაკი შეცვლილიც არის. იმედია, დანიშნულება სწორად არის შერჩეული. ახლა მთავარია, წამლის სტაბილური მიღება მოხერხდეს როგორმე. ვიცი, რომ თქვენ შემთხვევაში ეს ძნელი იქნება, მაგრამ რამდენადაც მოახერხებთ, უნდა ეცადოთ. სხვა გზა უბრალოდ არ არის. ძმა რომ აგრესიული იყოს, ან თვითდაზიანების საფრთხე არსებობდეს, მაშინ კლინიკაში ძალით გადაყვანის საშუალებაც გექნებოდათ და იქ მაინც მოხერხდებოდა სტაბილურად წამლის მიღება, მაგრამ ახლა ასე ვერ მოიქცევით.
თუ ვერაფერს გახდებით, მაშინ ისევ ნახეთ ფსიქიატრი ქუთაისში და იმდროინდელი სიტუაციის მიხედვით მოიფიქრებთ რამეს.

Answers უპასუხა: ფსიქოთერაპევტი ექიმი დავით ანდღულაძე ტელ.: 593127144

კითხვაზე პასუხის გაცემა შეუძლია მხოლოდ ექსპერტს

კითხვის დასმისათვის აუცილებელია საიტზე შემოსვლა.

არ ხართ დარეგისტრირებული? დარეგისტრირდით »

ფიქრია ჟვანია ფაგოთერაპია

სტატისტიკა

  • 14756 მომხმარებელი
  • 16383 შეკითხვა
  • 19013 პასუხი

Google სტატისტიკა


338
უნიკალური
ვიზიტორი
Powered By Google Analytics

ინფექციური ეპიდემიის Online მსოფლიო რუკა

გახდი გულშემატკივარი